ବିଶ୍ବାସ ଜୀବନ ତରଣୀରେ
ପଥିକ ମୁଁ ସିୟୋନ ନଗରେ

ବିଶ୍ବାସ ନାୟକ ଯୀଶୁ ମୋ ଲକ୍ଷ୍ୟ

ବିଶ୍ରାମ ଦେଶେ ମୁଁ ଯିବି ଖରେ ।।

।୧। ତରଙ୍ଗ ତରଣୀ ଟଳମଳ
ହେଲେହେଁ ରହିବି ମୁଁ ଅଟଳ ॥

ସାଗର ଧରଣୀ ରଚକ ମୋ ସଙ୍ଗେ

ଅଭୟ ଦାୟକ ଯୀଶୁ ମୋର ॥

।୨। ନାନା ପରୀକ୍ଷା ଓ ତାଡ଼ନାରେ

ଉତ୍ତମ ଜାଣି ସେ ଜୀବନରେ

ଧ୍ୟାୟିବି ଶ୍ରୀ ଯୀଶୁନାଥ ହୃଦରେ

ଭୁଲି ଦୁଃଖ ଯିବି ଆଗଭରେ ॥

।୩। ମରଣର ଉପତ୍ୟକା ଧାରେ

ଶରଣ ଯୀଶୁ ଶ୍ରୀ ଚରଣରେ

ସୁଧାରି ମୋ ପଥ ଜାବୁଡ଼ି ହାତ

ଆଶ୍ବାସେ ଚଲାନ୍ତି ଆନନ୍ଦରେ ॥

।୪। ପହଞ୍ଚି ସିୟୋନ ସଦନରେ

ପୋଛିବି ନୟନ ଜଳଧାର

ହେଜି ଅକଳନା ଦୟା ତୁମର

ସାଷ୍ଟାଙ୍ଗେ ନମିବି ଶ୍ରୀପୟର ॥