ଯୀଶୁ କରନ୍ତି ରାଜ୍ୟ କି ଗୌରବରେ 

ଆଣ୍ଠୁ ପକାଅ ସର୍ବଦେଶୀ ଛାମୁରେ 

ଆସ ଆସ ସକଳ ରାଜା ପ୍ରଜାଗଣ

କର ତାଙ୍କୁ ଗୌରବେ ମୁକୁଟ ଭୂଷଣ 

ଧନ୍ୟବାଦ ପ୍ରାର୍ଥନା ପ୍ରଶଂସା ରୂପ ବଳି 

ଜୟ ସ୍ଵରୂପ ଧୂପ ତାଙ୍କୁ ଉତ୍ସର୍ଗ କରି 

ରାଜଦଣ୍ଡ ତାଙ୍କର ଆଲିଙ୍ଗନ ହେ କର 

ଗାଅ ଧାର୍ମିକେ ଜୟ ସ୍ତୁତିରେ 

କର ହେ ଆନନ୍ଦଧ୍ଵନି ଅତି ଉଚ୍ଚରେ 

ତ୍ରାଣକର୍ତ୍ତା କରୁଛନ୍ତି ରାଜ୍ୟ ଖିତିରେ 

ରାଜାମାନଙ୍କ ରାଜା ସକଳେ ତାଙ୍କ ପ୍ରଜା 

ପ୍ରଭୁମାନଙ୍କ ପ୍ରଭୁ ଅଟନ୍ତି ସେ ସ୍ଵୟମ୍ଭୁ 

ଏହି ମହତ ନାମ ହୋଇଅଛି ଲେଖିନ 

ତାଙ୍କ ଜଂଘ ବସନ ଉପରେ 

ଅଟଇ ଯେ ଅବିନାଶ୍ୟ ତାହାଙ୍କ ରାଜ୍ୟ 

ତାଙ୍କ କର୍ତ୍ତାପଣ ଅଟଇ ଅନିବାର୍ଯ୍ୟ 

ହୋଇଛି ତାଙ୍କୁ ଦତ୍ତ ସମୁଦାୟ ଜଗତ 

ମୃତ୍ୟୁ ପରଲୋକର କଞ୍ଚି ତାଙ୍କୁ ଅର୍ପିତ 

ଉଠ ହେ ଶତ୍ରୁଗଣ ହୋଇଣ କମ୍ପମାନ 

ଆଣ୍ଠୁ ପକାଅ ତାଙ୍କ ଛାମୁରେ