ତୁମ ପଛେ ଚାଲିବି

ଯୀଶୁ ତୁମ ପଛେ ଚାଲିବି
ଜୀବନର ଯାତ୍ରାପଥେ

ତୁମପଛେ ଚାଲିବି ।

।୧। ଯୁଆଳି ଘେନି ମୁଁ ତୁମର

ଜୀବନର ଚଲାପଥେ

ସଦା ଲକ୍ଷ୍ୟ ରଖି ତୁମରେ

ଚାଲିବି ତୁମ ଇଙ୍ଗିତେ
ତୁମ ପାଦଚିହ୍ନ ଦେଇ

ନିତି ନିତି ଆଗେଇବି ॥

।୨। ଜୀବନର ଏ ଦୁର୍ଗମ ପଥେ,

ଅଛି ଦୁଃଖ ନିନ୍ଦା ତାଡ଼ନା

ଶୟତାନର ପ୍ରଲୋଭନ

କେତେ ବିଷୟ ବାସନା

ତୁମରି ଶକତି ବଳେ

ବିଜୟ ମୁଁ ଲଭିବି ॥

।୩। ଭୟ ମୁଁ କରିବି ନାହିଁ

ମୃତ୍ୟୁର ଉପତ୍ୟକାରେ

ଚିର ସାଥୀ ହୋଇ ତୁମେ

ରହିଥିଲେ ମୋ ସଙ୍ଗରେ

ଦୁଃଖରେ ବା ସୁଖରେ

ପଛକୁ ନ ଫେରିବି

।୪। ପଶ୍ଚାତ୍ ବିଷୟ ଭୁଲି

ଲକ୍ଷ୍ୟ ରଖି ସଦା ଆଗରେ

ନିରୂପିତ ସୀମାଯାଏ

ଧାଇଁବି ତୁମ ପଛରେ

ପହଞ୍ଚି ସରଗ ସିୟୋନେ

ଚିର ବିଶ୍ରାମ ଲଭିବି